Казакстандын президенти Касым-Жомарт Токаев 27-ноябрда Кыргызстанга мамлекеттик сапар менен келет.
Тышкы иштер министри Чынгыз Айдарбеков 11-ноябрда президент Сооронбай Жээнбековко Токаевдин Кыргызстанга болгон мамлекеттик визитине карата даярдыктын жүрүшү тууралуу маалымат берди.
Ошондой эле ушул жылдын 28-ноябрында Бишкекте Кыргызстандын төрагалыгы астында Жамааттык коопсуздук келишими уюмунун (ЖККУ) кезектеги жыйыны өтөт.
Ага Беларусь, Казакстан, Орусия, Тажикстандын мамлекет башчыларынын жана Армениянын премьер-министринин катышуусу күтүлүүдө.
