Жогорку Кеңештин конституциялык мыйзамдар, мамлекеттик түзүлүш, сот-укук боюнча комитетинин төрагасы Медер Алиев Курултай боюнча мыйзам долбоорун концепциясын карап берели деп сунушту добушка койду. Сунуш комитет депутаттарынан колдоо таппай калды.
Жалпы 4 депутат “макул” деп добуш берди.
Макул болгон депутаттардын тизмеси:
- Дастан Жумабеков
- Медер Алиев
- Замирбек Мамасадыков
- (Кайсы депутат экени такталбай калды)
Ал ортодо президенттин Жогорку Кеңештеги ыйгарым укуктуу өкүлү Алмас Абытов “комитетте жети депутат катышты, анын төртү макул болду. Концепция өткөнүн эске салгым келди”- деди.
Жогорку Кеңештин депутаты Нурбек Сыдыгалиев президенттин өкүлү Абытовго кайрылып “эске салбай эле коюңуз, өзүбүз билебиз” – деп жооп кайтарды.
Аталган мыйзам долбоорун түзүү боюнча атайын жумушчу топко 11 киши мүчө болгон. Башмыйзамга да кирген. Президент Садыр Жапаров демилгелеген.
