Улуттук банк беш акча алмаштыруучу жайга айып пул салды. Бул тууралуу аталган банктын расмий сайтында маалымдалды.
Мындай чечим Кыргызстандын мыйзамдарынын жана Улуттук банктын ченемдик укуктук актыларынын талаптарын бузуудан улам кабыл алынганы белгиленген. Санкциялардын жалпы суммасы 220 миң сомду түздү.
Буга чейин ушундай эле шарт менен Улуттук банк Бишкектеги эки акча алмаштыруучу жайдын лицензиясын кайтарып алган.
