Кара-Кулжа районунда жергиликтүү тургундун эки кабаттуу үйү жана жеңил унаасы күйүп кетип, өзү жаракат алды.

ӨКМдин басма сөз кызматы билдиргендей, Кара-Кулжа айылында аянты 232 чарчы метр эки кабаттуу турак үй толугу менен, жыгач устундуу шифер менен жабылган сарайдын чатыры 108 чарчы метр жана “Daewoo Nexia” үлгүсүндөгү жеңил унаа толугу менен күйгөн.

Өрттүн кесепетинен эркек киши (1959-жылы туулган О.А.) жабыркап, тез жардам кызматына өткөрүлүп берилген.

Өрттүн келип чыгышына электр жабдууларын техникалык колдонууда өрт коопсуздук эрежелеринин бузулушу себеп болгон.