17-мартта Бишкек шаарынын бир бөлүгүндө ичүүчү суу берүү убактылуу токтотулат. Бул тууралуу борбор калаанын мэриясы билдирди.

Сууну өчүрүү эртең мененки саат 09:00дөн 16:00гө чейин созулат. Бул убакыт аралыгында турак үйлөр, мектептер, бала бакчалар, саламаттык сактоо мекемелери, ошондой эле башка социалдык-тиричилик жана өнөр жай объекттери суусуз калат.

Суу берүү төмөнкү даректер боюнча токтотулат:

• Ч. Айтматов проспектиси — 93/1, 93/2, 93/3, 93/4, 93/5, 93/6;
• Токтоналиев көчөсү — 139/3, 157, 153, 153/3, 155;
• Т. Океев көчөсү — 39/3, 39/4, 39/8, 39/7, 39/6.

Муниципалитеттин маалыматы боюнча, сууну өчүрүү «Аэропорт» суу алгычындагы оңдоо-алдын алуу иштерине байланыштуу.

Шаар тургундарынан ичүүчү сууну алдын ала камдап алуу суралат.