Таласта дайынсыз болуп жаткан 15 жаштагы кыздын сөөгү табылды. Бул тууралуу ӨКМдин басма сөз кызматы билдирди.
Маалыматка караганда, 21-август күнү Манас районунун Бала-Саруу айылында токойго эс алууга чыккан 15 жаштагы М.М. аттуу кыз дайынсыз болуп жаткандыгы жана уюлдук телефону токойду аралап өткөн Талас суусунун жээгинде табылгандыгы тууралуу маалымат ӨКМдин 112 кызматына түшкөн.
Жерине издөө иштерин жүргүзүүгө саат 07:20да Манас райондук №100 ӨКБдан 19 куткаруучу, ИИМден 38 кызматкер, жергиликтүү тургундардан 45 адам тартылып, натыйжада саат 08:45те Талас суусунун жээгинен аталган жарандын жансыз денеси табылган.
Бардык жаңылыктар Телеграм каналда
