“Кылым шамы” укук коргоо борборунун негиздөөчүсү Азиза Абдирасулова 23-октябрда бир катар активисттер менен саясатчылардын 48 саатка камалганын жазды. Алар 48 саатка камакка алынган.
Тизме:
— Конституциялык соттун экс-судьясы Клара Сооронкулова,
— БШКнын экс-мүчөсү Гүлнара Журабаева,
— активист Эрлан Бекчороев,
— саясатчы Жеңиш Молдокматов,
— активист Перизат Суранова,
— Жогорку Кеңештин экс-депутаты Равшан Жеенбеков,
— Жогорку Кеңештин экс-депутаты Асия Сасыкбаева,
— активист Рита Карасартова,
— блогер Али Шабдан,
— активист Таалай Мадеминов,
— активист Улугбек Маматаев,
— Экс-элчи Азимбек Бекназаров,
— өкмөттүн Талас облусундагы мурдагы ыйгарым укуктуу өкүлү Айбек Бузурманкулов,
— активист Нурлан Асанбаев,
— активист Чыңгыз Капаров.
Активист Атай Бейшенбек да кармалып, ал 48 саатка убактылуу кармоочу жайга камалганын адвокат Замир Жоошев билдирди.
Ошондой эле Жогорку Кеңештин экс-депутаты Кенатбек Исаевдин Биринчи май сотунун чечими менен бир айга камакка алынганы белгилүү болду.
Мындан тышкары, Коопсуздук кеңешинин экс-катчысы Кеңешбек Дүйшөбаев, журналист Айданбек Акматов, саясатчы Бектур Асанов, активисттер Талант Эшалиев, Кубанычбек Кадыров 48 саатка камакка алынганы кабарланды. Тизме толукталууда.
Активисттердин камалышы боюнча ИИМ түшүндүрмө берип, Кылмыш-жаза кодексинин 36-278-беренеси «Массалык баш аламандыктарды уюштурууга даярдануу» менен козголгон кылмыш иши боюнча тергөө амалдары жүргүзүлүп жатканын билдирген.
Биздин Телеграм каналыбызга катталыңыз
