Бүгүн, 23-октябрда Бишкектин Токтоналиев менен Сухомлинов көчөлөрүнүн кесилишинде таксинин айдоочусу унааларды сүзүп, качып кетти. Бул тууралуу Reporter.kg’ге окуянын күбөсү билдирди.
Анын айтымында, такси унаасы алгач «Мерседес Бенц» унаасын, андан кийин жол жээгинде токтоп турган унааны сүзгөн. Жол кырсыгын жасаган айдоочу мас болгон. Ал унаасын калтырып, окуя жеринен качып кеткен.
Алдын ала маалымат боюнча, кырсыктан эч ким жабыркаган эмес.
Сүрөттө көрүнгөндөй, жол кырсыгынан улам такси унаасы арыкка түшүп кеткен.
Телеграм каналыбызга катталыңыз
