Бишкекте жаранга бычак сайган деп шектелип 34 жаштагы киши кармалды. Бул тууралуу Биринчи май райондук милициясынан билдиришти.
Маалыматка караганда, 24-апрелде милицияга Кулиев көчөсүндө эркек киши бычактан жараат алганы тууралуу кабар түшкөн.
Окуя жерине ыкчам-тергөө тобу барып, №1 шаардык ооруканага тез жардам кызматы менен ичине бычак жеген 31 жаштагы О.А. аттуу жаран жеткирилгенин аныктаган.
Бул фактыга байланыштуу Кылмыш-жаза кодексинин 130-беренеси (Ден соолукка оор залал келтирүү) боюнча кылмыш иши козголгон.
Ыкчам-издөө иштеринин натыйжасында кылмышка шектүү катары 34 жаштагы А.У. аттуу жаран кармалган. Учурда шектүү убактылуу кармоочу жайга камакка алынган.
Милициядан белгилешкендей, азыркы тапта анын башка кылмыштарга катыштыгы текшерилүүдө.
Биздин Телеграм каналга катталыңыз
