Алмамбет Шыкмаматов Мамлекеттик ипотекалык компаниянын жетекчиси болуп дайындалды.
Эскерте кетсек, аталган кызматты буга чейин Аида Төлөгөнова ээлеп келген. Анын эмне себептен кызматтан кеткени тууралуу маалымат жок.
Алмамбет Шыкмаматов 2010-жылы Мамлекеттик каттоо кызматынын төрагасы, 2011-жылдын мартынан декабрына чейин Эсеп палатасынын аудитору болуп иштеген. 2011-жылдын декабрынан 2015-жылдын февралына чейин Юстиция министри кызматын аркалаган.
2015-2019-жылдары Жогорку Кеңештин депутаты болгон.
2021-жылы Кыргызстандын Инвестицияларды илгерилетүү жана коргоо агенттигинин директору, кийинчерээк, агенттик министрлик болуп өзгөртүлүп, министр кызматын ээлеген. 2021-жылдын сентябрь айында парламенттик шайлоого катышуу үчүн министрлик кызматтан кеткен.
2023-жылдын башында «Бишкек» эркин экономикалык аймагынын башчысы болгон.
Биздин Телеграм каналга катталыңыз
