Бишкекте тоноого шектелип 18 жаштагы жигит кармалды. Бул тууралуу Ленин райондук милициянын басма сөз кызматы билдирди.

Маалыматка караганда, 30-сентябрда милицияга К.Т. аттуу жаран кайрылып, ошол эле күнү болжол менен саат 09:00до Жал кичирайонундагы компьютердик клубдардын биринде белгисиз жаран күч колдонуп, Redmi телефонун жана 3,5 миң сом акчасын тартып алганын билдирген.

Аталган фактыга байланыштуу Кылмыш-жаза кодексинин 206-беренеси (тоноо) боюнча кылмыш иши козголгон.

Ыкчам-тергөө иштеринин натыйжасында шектүү катары 18 жаштагы К.Н. аттуу жаш жигит кармалган. Ал тергөө кызматына жеткирилип, убактылуу кармоочу жайга камакка алынган.

Учурда иликтөө иштери уланууда.

Биздин Телеграм каналга катталыңыз