Таштанды челектен табылган ымыркайды таенесине берүү каралат. Бул тууралуу Эмгек, социалдык камсыздоо жана миграция министрлигинен билдиришти.
Маалыматка караганда, Талас айылынын жашоочусу С.Г (таенеси) келип, небересин өзүнө алып кетүүгө даяр экенин билдирген.
«Таенесине берүү үчүн мыйзамга ылайык шарттарынын жана талаптардын аткарылышынын негизинде берилет жана бул боюнча атайын жумуш жүрөт. Учурда бала дары-дармек, медициналык жардам жана кийим-кече менен камсыздалган», — деп айтылат маалыматта.
Октябрь райондук социалдык камсыздоо башкармалыгынын кызматкерлери ымыркайга туулгандыгы тууралуу күбөлүк беришти.
Биздин Телеграм каналга катталыңыз
