Бишкекте Р.Санатбаев атындагы олимпиадалык резервдин адистештирилген балдар-өспүрүмдөр мектебинин базасында кыз-келиндер күрөшү боюнча Бишкек шаарынын кубогу үчүн эл аралык турнирдин ачылыш аземи өттү. Бул тууралуу мэриядан билдиришти.
Маалыматка караганда, турнирдин ачылыш аземине Бишкек шаарынын мэриясынын Дене тарбия жана спорт, туризм жана жаштар иштери боюнча департаментинин директору Жоомарт Шамканов жана Күрөш федерациясынын президенти Мелис Турганбаев катышты.
Белгилей кетсек, мелдешке төрт өлкөдөн 200гө жакын спортчу катышат.
Спорттук иш-чараны Бишкек шаарынын мэриясынын Дене тарбия жана спорт, туризм жана жаштар иштери боюнча департаменти уюштурду.
Биздин Телеграм каналга катталыңыз
