.svg){kind=logo}
Кыргызстандын товарлары Өзбекстандын рыногуна чыгууда: 500 миң долларлык экспорттук келишимге кол коюлдуДүйнөлүк банк Камбар-Ата-1 ГЭСин курууну аймактын энергетикалык коопсуздугунун негизги фактору деп атадыМаданият кызматкерлеринин айлыгы 35 миң сомго чейин көтөрүлүп, 117 мекемеге кызматтык унаа берилетСузакта алимент төлөөдөн качкан жаран 1 жылга эркинен ажыратылдыОшто соцтармактарда экстремисттик материалдарды таратууга шектелген жаран кармалдыКыргызстандык мектеп окуучулары эң мыкты дилбаян үчүн Швейцарияга саякат утуп алышат
Милиция: Кара-Сууда сот аткаруучу пара менен кармалды
12.01.2024 | 13:08
Ош облусунун Кара-Суу районунда сот аткаруучу пара менен кармалды. Бул тууралуу облустук милициядан билдиришти.
Маалыматка караганда, милицияга 59 жаштагы тургун кайрылып, 2023-жылдын 23-декабрынан тарта С. аттуу сот аткаруучу пара талап кылып жатканын билдирген. Жабырлануучунун айтымында, сот аткаруучу анын чет өлкөгө чыгууга коюлган чектөөсүн алып берүүнү убадалап, пара опузалаган.
Бул факты боюнча Кылмыш-жаза кодексинин 343-беренеси (опузалап пара алуу) боюнча кылмыш иши козголгон.
11-январь күнү 20 миң сом пара алып жаткан жеринен Сот департаментинин 43 жаштагы С.С. аттуу сот аткаруучусу кармалган.
Учурда тергөө амалдары жүрүүдө.
