Бишкекте милиция менен УКМКнын кызматкерлери уюшкан кылмыштуу топтун мүчөсү кармады . Бул тууралуу Октябрь райондук милициясынан билдиришти.

Маалыматка караганда, быйыл 6-февралда милицияга аял киши кайрылып, жолдошу М.С. бир жылдан бери кол көтөрүп жүргөнүн, былтыр август айында шаардагы көп кабаттуу үйдүн короосунда сабаганын билдирген.

Аталган факт боюнча Кылмыш-жаза кодексинин 280-беренесине (бейбаштык) ылайык кылмыш иши козголгон.

Бул ишке шектүү катары 52 жаштагы М.С. аттуу жаран кармалып, убактылуу кармоочу жайга камакка алынды.

Шектүүнүн үйүндөгү тинтүү иштери учурунда 2 тапанча, 2 магазин, 5 гильза табылып алынып, тиешелүү экспертизалар дайындалды.

Тергөө иштери уланууда.