Талас шаарында 3 миң окуучу “Манас” айтты. Бул тууралуу мэриядан билдиришти.

Аталган иш-чара 30-апрелде «Урааным Манас» аттуу республикалык кароо-сынагынын алкагында өттү. Бул сынак манасчылар Саякбай Каралаевдин 130 жылдык, Уркаш Мамбеталиевдин менен Сапарбек Касманбетовдун 90 жылдык мааркесине карата өткөрүлүүдө.

Белгилей кетсек, былтыркы жылы өлкө боюнча кароо-сынакка 100 миңдей окуучу катышса, быйыл 500 миңден ашык окуучу катышат. Кароо-сынактын жыйынтыгы Кыргыз Улуттук “Манас” театрында май айынын аягында жарыяланат. Жеңүүчүлөр баалуу белектер, акчалай сыйлыктар менен сыйланышат. Сынактын жалпы байге фонду 3 млн сомду түзөт.