Алмата шаарында жетинчи кабаттан кулап түшүп каза болгон кыргызстандык кыздын сөөгү мекенине жөнөтүлөт. Бул тууралуу Тышкы иштер министрлиги кабарлады.

Кырсык 26-июнунда саат 06.50 чамасында болгон. 17 жаштагы кыз Сейфуллина №31/50 көчөсүндө жайгашкан үйдүн 7-кабатынын терезесинин текчесине чыгып, ары-бери басып бийлеп жатып кулап түшкөн.

Алматанын полициясы кыздын психикалык жактан оорукчан болушу мүмкүндүгүн айткан. “Өзүн өзү өлтүрүү” беренеси менен иш козгоп, териштирүү башталды.

Тышкы иштер министрлигинин маалыматында, кыз 21-майда Казакстанга келген.