.svg){kind=logo}
20-февралга карата аба ырайыErasmus+ программасы жана КРда билим берүүнү модернизациялоо: Европарламенттин делегациясы менен жолугушуунун жыйынтыгыДепутат Болот Ибрагимов Жогорку Кеңештин спикеринин орун басары болуп шайландыКытай — Кыргызстан — Өзбекстан — Тажикстан коридору боюнча биринчи жүк ташуучу поезд жолго чыктыБишкек мэри ЦУМдун жанындагы курулушту буздурууну, ал эми Old Bishkek долбоорун токтотууну тапшырдыЕЭК антимонополдук көзөмөлгө жасалма интеллектти киргизүүнү пландаштырууда
Видео: Олимпиаданын жабылуу аземинде тууну Тыныбекова менен Шаршенбеков көтөрүп чыкты
12.08.2024 | 11:28
Париждеги Олимпиада оюндары жыйынтыкталды. 26-июлда башталган жарыштардын жабылуу аземи 11-августта болуп өттү.
Париждин түштүк тарабындагы “Стад де Франс” стадионунда өткөн жабылуу аземинде Кыргызстандын туусун балбан кыз Айсулуу Тыныбекова менен грек-рим балбаны Жоламан Шаршенбеков көтөрүп чыкты.
Бул Олимпиадада кыргызстандык спортчулар 6 медаль – 2 күмүш жана 4 коло утту. Күмүш байгени балбан кыз Мээрим Жуманазарова жана боксчу Мунарбек Сейитбек уулу алды. Ал эми коло медалга Айсулуу Тыныбекова, Акжол Махмудов, Жоламан Шаршенбеков жана Үзүр Жусупбеков кол жеткизди. Кыргызстандан бул мелдешке жалпы 16 спортчу барган.
Медалдардын саны боюнча Кыргызстан Олимпиадага катышкан 200дөн ашык өлкөнүн ичинен 68-орунду ээледи.
