УКМК Жогорку Кеңештин мурдагы депутаты Салайдин Айдаровду кармады.

Бишкек шаардык сотунан билдиришкендей, УКМКнын Чүйдөгү башкармалыгынын тергөө тобунун жетекчисинин өтүнүчү менен Октябрь районудук соту 8-августта Салайдин Айдаровду 4-сентябрга чейин камакка алган. Ал УКМКнын тергөө абагында отурат.

Мурдагы депутат Кылмыш-жаза кодексинин 263-беренесинин 1-бөлүгү (уюшкан топторду жана кылмыштуу коомдоштуктарды каржылоо) боюнча шектелүүдө.

Салайдин Айдаров Жогорку Кеңештин 6-чакырылышынын депутаты болгон.

Буга чейин УКМК уюшкан кылмыштуу топтуу каржылоого шектеп ишкер, мурдагы милиция кызматкери Жалил Атамбаевди кармаган.

https://reporter.kg/ukmk-ishker-zhalil-atambaevdi-kajra-karmady/