Жалал-Абаддын Токтогул районунда мурда мыйзамсыз менчиктештирилип кеткен бир катар социалдык объекттер жана жер тилкелери мамлекетке кайтарылды. Бул тууралуу УКМКдан билдиришти.

Алардын жалпы баасы 148 млн 582 миң сомду түзөт.

Токтогул районунда мамлекетке кайтарылган объекттер:

• Аянты 1,3 га болгон “Токтогул” автобекети. Ал 2009-жылы мыйзам бузуу менен арзан баага сатылып кеткен. Азыркы базар баасы 63 млн 817 миң сомго жетет.
• Торкен айылындагы аянты 2 миң 342,8 чарчы метр болгон соода комплекс. Мурда мыйзамсыз менчиктештирилип кеткен. Баасы 4 млн 155 миң сомду түзөт.
• Токтогул шаарынын А. Козубеков атындагы сейил бактагы 1,49 га жери бар жайкы кинотеатр. Анын базар баасы 73 млн 610 миң сомго жетет.
• Токтогул шаарынын “Тайбала-Кечүү” тилкесиндеги көчөттөр тигилген 2 га жер. Анын баасы 7 млн сомду түзөт.

УКМК мыйзамсыз менчиктештирилген жерлерди жана ишканаларды аныктап, мамлекетке кайтаруу иштери уланып жатканын билдирди.