Ноокатта райондук электр тармактары мекемесинин кызматкери пара алып жаткан жеринен кармалды. Бул тууралуу ИИИден билдиришти.
Маалыматка караганда, милицияга райондун тургуну кайрылып, үйүнө үч фазалык электр энергия системасын киргизейин десе, Ноокат районунун электр тармактары ишканасынын инженери 60 миң сом талап кылганын билдирген.
Бул факт боюнча кылмыш иши козголуп, тергөө башталган.
Министрликтен билдиришкендей, аталган инженер (44 жаштагы М.Р.) 25-сентябрда 50 миң сом алып жатканда, иш бөлмөсүнөн кармалган. Ал убактылуу кармоочу жайга камакка алынды.
Тергөө иштери уланууда.
