Бишкекте жеңил унаа сүзүп кеткен 64 жаштагы жаран көз жумду. Бул тууралуу Милициянын кайгуул кызматынан билдиришти.

Маалыматка ылайык, жол кырсык бүгүн, 26-сентябрда таңкы саат 05:55те болгон. “Хонда-Фит” Байтик баатыр көчөсү менен баратып Кулатов көчөсүнө жеткенде, 64 жаштагы жаранды сүзүп кеткен. Айдоочу окуя жеринен изин жашырган. Ал эми ал сүзгөн жаран тез жардам унаасынын ичинде ооруканага жетпей көз жумган.

Кайгуул кызматы билдиргендей, “Хонда-Фит” унаасынын 37 жаштагы айдоочусу К.А. кармалып, убактылуу кармоочу жайга камакка алынды.