Белгилүү хирург Мамбет Мамакеев 24-ноябрда 97 жашында дүйнөдөн кайтты. Маалыматты анын кесиптештери тастыкташты.
Медицина илимдеринин доктору Мамакеев хирург болуп 70 жылдан ашык иштеп, иш тажрыйбасында 30 миңге чукул операция жасаган. Ал Кыргызстанда хирургия борборун түзүп, дарыгерлердин жоон тобун даярдап, 120дан ашык илимий эмгек жараткан.
Мамбет Мамакеев 1927-жылы 1-октябрда Ысык-Көл облусуна караштуу Ак-Суу районундагы Кереге-Таш айылында туулган. Мамакеев үйдүн тун баласы. Атасы Мамаке 93, апасы 85 жашында каза болгон.
Ал 2020-жылы Гиннесстин рекорддор китебинен эң узак хирург болуп иштеген адам катары диплом алган.
Биздин Телеграм каналга катталыңыз
