.svg){kind=logo}
Кыргызстандын товарлары Өзбекстандын рыногуна чыгууда: 500 миң долларлык экспорттук келишимге кол коюлдуДүйнөлүк банк Камбар-Ата-1 ГЭСин курууну аймактын энергетикалык коопсуздугунун негизги фактору деп атадыМаданият кызматкерлеринин айлыгы 35 миң сомго чейин көтөрүлүп, 117 мекемеге кызматтык унаа берилетСузакта алимент төлөөдөн качкан жаран 1 жылга эркинен ажыратылдыОшто соцтармактарда экстремисттик материалдарды таратууга шектелген жаран кармалдыКыргызстандык мектеп окуучулары эң мыкты дилбаян үчүн Швейцарияга саякат утуп алышат
Прокуратура: Аксыда мектеп курган компания 7,1 млн сом кымырып алган
02.12.2024 | 17:11
Жалал-Абаддын Аксы районунда Э. Арстанбаев атындагы орто мектепти салган курулуш компания 7 млн 198,9 миң сом кымырып алган. Бул тууралуу Башкы прокуратурадан билдиришти.
Маалым болгондой, “МК С.” компаниясы сметада каралган иштерди толук аткарбай, жасалма акт түзүп, акчаны кымырып алган. Ал эми мамлекеттик жана жергиликтүү органдардын кызматкерлери курулуш иштери толук аткарылганын текшербестен, акчаны которуп берип, объектти пайдаланууга алган.
Бул факт боюнча Кылмыш-жаза кодексинин 210-беренеси (ишенип берилген өзгөчө ири өлчөмдө акча каражаттарын ыйгарып алуу же коротуу) менен кылмыш иши козголуп, тергөө иштери Аксы райондук милициясына тапшырылган.
Учурда зыяндын ордун толтуруу жана күнөөлүү адамдарды аныктоо боюнча иштер жүрүүдө.
