Бишкектеги автобустардын айдоочулары үчүн накталай акча чогултуу боюнча план жокко чыгарылды. Бул тууралуу мэриядан билдиришти.
Ошол эле учурда мэрия автобуска канча жүргүнчү түшкөнүн атайын система аркылуу эсептеп, накталай төлөмгө көзөмөл күчөтүлөрүн белгиледи. Жол кирени накталай төлөгөн жүргүнчүлөр менен түшкөн акчанын ортосунда айырмачылык аныкталса, айдоочуларга чара көрүлөт.
Эскерте кетсек, буга чейин коомчулукта автобустун айдоочулары накталай акча чогултуу боюнча планды аткаруу үчүн жарышка түшүп жатканы, ал автобустардын жол кырсыкка кабылышынын себептеринин бири экени айтылып келген.
