Баткендин Кадамжай районунда айыл өкмөт башчы тургундардан 100 миң доллар опузалоого шектелип кармалды. Бул тууралуу УКМКдан билдиришти.
Маалым болгондой, Исхак-Полотхан айыл аймагынын башчысы Д.Ж. үй курууга жер бөлүп берүү тууралуу чечим чыгаруу үчүн жергиликтүү тургундардан 100 миң доллар опузалаган.
УКМК билдиргендей, ал 14-декабрда 6,6 миң доллар алып жатканда кармалган.
Айыл өкмөт башчы Бишкекке алынып келип, соттун чечими менен УКМКнын тергөө абагына камакка алынган.
