Кыргызстандын эркин күрөш боюнча балбандары Казакстанда өткөн эл аралык мелдеште 6 медаль утту (1 алтын, 5 коло). Бул тууралуу Дене тарбия жана спорт департаментинен билдиришти.
Мелдеш Тараз шаарында Динмухаммед Кунаевдин жаркын элесине арналып өткөрүлгөн.
Эрназар Акматалиев (70 кг) алтын утса, Азим Абдыкалыков (57 кг), Алмаз Сманбеков (61 кг), Аден Сакыбаев (70 кг), Өмурбек Таалайбек уулу (74 кг) жана Орозобек Токтомамбетов (74 кг) коло медаль тагынган.
