26-февралдан 28-февралга чейин күтүлүп жаткан жаан-чачынга байланыштуу Кыргызстандын тоолуу райондорунда кар көчкү түшүүсү мүмкүн.

ӨКМнын маалыматында, төмөнкү унаа жол тилкелеринде кар көчкү түшүү коркучу бар:

• Бишкек – Ош унаа жолунун Төө-Ашуу жана Ала-Бел ашууларында, ошондой эле Чычкан капчыгайында;
• Мырзаке – Кара-Кулжа – Алайкуу унаа жолунун 55-115 чакырымдарында;
• Ала-Бука – Каныш-Кыя унаа жолунун 45-112 чакырымдарында (Чапчыма ашуусу);
• Красная-Горка – Акташ унаа жолунун 0-3 чакырымдарында;
• Сары-Таш – Дароот-Коргон – Карамык унаа жолунун 97-98-чакырымдарында;
• Бишкек – Нарын – Торугарт унаа жолунун 292-305 чакырымдарында (Долон ашуусу);
• Арал – Миң-Куш унаа жолунун 1-14 чакырымдарында;
• Арал – Суусамыр жолунун 8-21 чакырымдарында;
• Балыкчы – Казарман – Жалал-Абад унаа жолунун 201-205- 260-290- жана 326-349-чакырымдарында (Көк-Арт ашуусу);
• Каракол – Эңилчек унаа жолунун 45-90-чакырымдарында Чоң-Ашуу ашуусунда.

ӨКМ жолдор тайгак болуп, муз тоңорун билдирип, айдоочуларга унаалардын ортосундагы 500 метр аралык кыймыл чектелиши зарыл экенин эскертти.