Ош шаарынын мэринин орун басарлары өз арызынын негизинде кызматтарын тапшырышты. Бул тууралуу шаардын мэриясы кабарлады.

Маалыматка ылайык, орун басарлар Сонунбек Жунусбаев менен Мирлан Казыбай уулу кызматтарынан бошотулушту. Алар эмне себептен кызматтан кеткени тууралуу маалымат берилген жок.

Кечээ, 18-февралда, Жеңишбек Токторбаев өз арызы менен Оштун мэри кызмат ордунан кетти. Анын ордуна мурдагы депутат Жанар Акаев мэр болуп дайындалды.