Кыргызстандын хоккей курамасы Кытайда өтүп жаткан кышкы Азия оюндарынын алкагында экинчи жеңишине жетти. Бул тууралуу Дене тарбия жана спорт департаментинен билдиришти.
Кыргызстандык спортчулар бүгүн, 5-апрелде өткөн экинчи беттешинде Бахрейн менен ойноп, аларды 29:0 эсебинде жеңди.
Эскерте кетсек, Кыргызстандын хоккей курамасы бул жарышта Сингапур, Бахрейн, Кувейт менен В тайпасына түшкөн.
Биринчи оюнунда Кувейтти кошумча убакытта утуп, капчыгына 2 упай салган. Экинчи оюнундагы жеңишинен кийин дагы 3 упай алып, жалпы 5 упайы менен тайпасында биринчи орунга чыкты. Экинчи орунда Кувейт (4 упай), үчүнчүдө Сингапур (3 упай) турат. Бахрейн тайпанын аягында турат, анын бир да упайы жок.
