Быйыл Бишкек шаарындагы гүлзарларга, сейил бактарга, аянттарга жана борбордук көчөлөрдүн боюна 2 млн бир жылдык гүл отургузуу пландалууда. Бул тууралуу шаар мэриясы билдирди.

“Бишкек жашыл курулуш” муниципалдык ишканасы бул жылы борбор калааны жашылдандыруу иштеринин көлөмүн көбөйтөт.

Маалыматка ылайык, 10-апрелге чейин 230 миң жоогазын гүлдөшү күтүлүүдө. Гүл отургузуу жана жашылдандыруу иштери этап-этабы менен, белгиленген эрежелерге ылайык жүргүзүлөт. Бул чаралар гүлзарлардын абалын сезон бою сактоого багытталганы айтылды.