Министрлер кабинетинин төрагасы Адылбек Касымалиев Астанага жасаган расмий сапарында Казакстандын президенти Касым-Жомарт Токаев менен жолугат. Бул тууралуу өкмөттүн маалымат кызматы билдирди.
24-25-февралга пландалган сапарда Касымалиев коңшу мамлекеттин өкмөт башчысы Олжас Бектенов менен да көрүшөт. Аталган жолугушууларда эки өлкөнүн кызматташтыгы талкууланат.
Ошондой эле Адылбек Касымалиев «Казакстан Гарыш Сапары» улуттук космос борбору, Казакстандын санариптик өкмөтүнүн кеңсеси сыяктуу бир катар объекттердин иши менен таанышып чыгат.
