Чүй облусунун Кемин районундагы мыйзамсыз менчиктештирилген Кыргыз химия-металлургиялык комбинатынын бир бөлүгү (5-цех) мамлекетке кайтарылды. Бул тууралуу УКМК билдирди.
Маалыматта айтылгандай, 2002-жылы аталган завод «Талер-Сан» ишканасынын директору Э.А. тарабынан 100 сомго мыйзамсыз менчиктештирилген.
УКМК көрүлгөн чаралардын натыйжасында Кеминдин Орловка шаарындагы комбинаттын аянты 6066 чарчы метрди түзгөн 5-цехи жана анын 2 га жери ыктыярдуу түрдө шаардын карамагына өткөрүлүп берилгенин билдирди. .
