Темирбеков Уран Темирбекович “Кыргыз Республикасынын Улуттук инвестициялык фонду” ачык акционердик коомунун башкы директору болуп дайындалды. Бул чечимди фонддун директорлор кеңеши кабыл алды.
Жаңы дайындоого чейин Уран Темирбеков Аймактарды өнүктүрүү боюнча социалдык өнөктөштүк фондунун жетекчиси болуп иштеп келген. Ал бул кызматта жүрүп, өлкөнүн аймактарында экономиканы өнүктүрүүгө жана социалдык долбоорлорду ишке ашырууга багытталган бир катар маанилүү демилгелерди ишке ашырган.
Анын жаңы кызматтагы иши инвестицияларды тартууга, экономикалык өсүштү камсыздоого жана фонддун ишмердүүлүгүн күчөтүүгө багытталмакчы.
