Министрлер кабинетинин төрагасы Адылбек Касымалиев өлкөнүн экономикалык абалы боюнча соңку маалыматтарды жарыялады.
Ага ылайык, 2025-жылдын алгачкы 5 айында мамлекеттик бюджетке түшкөн киреше былтыркыга салыштырмалуу 33,3 миллиард сомго көп болду.
Жалпы киреше 147,4 миллиард сомду түзүп, 28% өсүш камсыздалды. Бул – экономиканын турукташып, салыктык башкаруунун эффективдүү болуп баратканын айгинелейт.
Өкмөт бул динамика жыл соңуна чейин да сакталарын белгилеп, каражаттар инфраструктуралык жана социалдык тармактарга багытталарын билдирди.
