Министрлер кабинети Жашыл климаттык фонд менен биргеликте 6 ири экологиялык долбоорду ишке ашырууну бекитти. Алар климаттык туруктуулукту жогорулатууга жана жаратылышты коргоого багытталган.

Бекитилген долбоорлор төмөнкү багыттарды камтыйт:

– Шаарларда абанын тазалыгын жакшыртуу

– Баткендеги сугат суунун жеткиликтүүлүгүн жогорулатуу

– Ысык-Көлдүн жаратылышын сактоо

– “Жашыл” ишкердикти өнүктүрүү

– Климаттык өзгөрүүгө туруктуулукту арттыруу

– Жаңы экотехнологияларды турак жайларга киргизүү

Министрлер кабинетинин төрагасы Адылбек Касымалиев: “Биологиялык ар түрдүүлүк менен суу ресурстарын коргоо — келечек муундар үчүн тоо экосистемаларын сактоонун ачкычы. Бул ишти убагында жана активдүү жүргүзүү зарыл”, — деп белгиледи.