Чүй облусунун Кемин районунда 1 тоннадан ашык кара куурай жок кылынды. Бул тууралуу облустук милиция билдирди.
Маалыматка ылайык, 3-июлда Кемин райондук милициясынын кызматкерлери «Кара-Куурай» аталышындагы иш-чарасы жүргүзүшкөн.
Анын алкагында Чоң-Кемин айыл аймагынын аймагындагы кара куурай өскөн жерлер аныкталып, 1 тоннадан ашык жапайы кара куурай өрттөлүп, жок кылынган.
Ошондой эле милиция кызматкерлери жергиликтүү тургундарга баңгизат камтыган өсүмдүктөрдү өстүрүүгө жана колдонууга тыюу салынганы тууралуу эскертүү иштерин жүргүзүшкөн.
