Борбор калаанын тургундары Иран Ислам Республикасынын элчилигинин имаратына гүлдөрдү алып келишүүдө. Дипломатиялык өкүлчүлүктүн алдында бул өлкөнүн эли менен тилектештиктин белгиси катары митинг-реквием өтүп жатат.

Бул эскерүү акциясына Ирандагы кайгылуу окуялар себеп болду. Бүгүн ал жакта АКШ жана Израилдин соккусунун натыйжасында набыт болгон 165 окуучу кызды акыркы сапарга узатуу зыйнаты өтүүдө. Мындан тышкары, өлкөдө жогорку лидер Хаменеинин дүйнөдөн кайтканына байланыштуу аза күтүлүүдө.

Элчиликтин алдына чогулган бишкектиктер көптөгөн адамдардын өмүрүн алган окуяларга жана мамлекеттик лидердин жоготуусуна байланыштуу иран элине көңүл айтып, кайгысын тең бөлүшүүдө.