2025-2026-окуу жылында 1-класстын окуучулары үчүн сабактардын узактыгы кыскартылат. Бул тууралуу Агартуу министрлиги маалымдады.

Маалыматка ылайык, биринчи класстын окуучулары үчүн сабактардын убактысы 40 мүнөттөн кыска болот. Министрлик мындай чечимди мектепке быйыл алты жаштагы балдардын кабыл алынышы менен негиздеди.

Ал эми 2-класстын окуучулары үчүн сабактар 40 мүнөт, 3-класстан 11-класска чейинки окуучулар үчүн сабактар 45 мүнөт бойдон калат.

Министрлик жаңы өзгөрүү жаш курактык өзгөчөлүктөрдү эске алуу менен билим берүү процессин жеңилдетүүгө багытталганын белгиледи.