Кыргызстандык аскерлер ЖККУнун «Өз ара аракеттенүү-2025» машыгууларына катышуу үчүн Беларуска жөнөп кетти. Бул тууралуу уюмдун басма сөз кызматы кабарлады.

Маалыматка ылайык, машыгуулар 31-августтан 6-сентябрга чейин «Лосвидо» жана «Лепельский» полигондорунда өтөт. Ага Казакстан, Кыргызстан, Орусия жана Тажикстандан аскер контингенттери тартылууда.

Негизги машыгуулар:

• «Өз ара аракеттенүү-2025» — кризистик кырдаалды жөнгө салуу боюнча биргелешкен операция;
• «Издөө-2025» — чалгындоо иштерин уюштуруу;
• «Эшелон-2025» — материалдык-техникалык камсыздоо.

2025-жылдагы машыгуулардын өзгөчөлүгү — алар Беларусь жана Россиянын «Батыш-2025» стратегиялык машыгуулары менен байланышта өткөрүлүүдө.