Бишкек шаарынын ички иштер башкы башкармалыгы ата-энелерге жаш балдар арасында популярдуу Roblox оюну кооптуу болушу мүмкүн экенин эскертти.

Милициянын маалыматында, аталган оюнда баланын жаш курагына туура келбеген маалыматтар таралышы, чоочун адамдар менен байланыш түзүүсү жана ата-энелердин банктык карталарынын колдонулушу мүмкүн экенин билдирди. Ошондой эле оюн аркылуу жашы жетпегендери мыйзамсыз иштерге же кылмыштарга тартуу же шарттарды түзүү болушу мүмкүн экенин эскертилди.

Бишкек ШИИБи ата-энелерге балдарды коргоо үчүн төмөнкү эрежелерди сактоо керектигин билдирди:

• Балдардын кандай оюндарды ойногонун көзөмөлдөө,
• Алар интернетте ким менен сүйлөшөрүн билип туруу,
• Онлайн оюндарда өткөрүлгөн убакытты чектөө,
• Мобилдик түзмөктөрдө ата-эне көзөмөлүн колдонуп туруу,
• Балдарга көбүрөөк убакыт бөлүп, алар ата-эненин коргоосунда экенин билдирип туруу керек.