.svg){kind=logo}
Жол эрежесин бузгандар жоопко тартылат — Бишкекте “Рулда” рейди өтүүдөКөмүрдү белгиленген баадан жогору саткан айдоочулар Кара-Кеченин “кара тизмесине” киргизилетИИМ мушкер Дмитрий Биволдун мурунку жубайынын видеосуна байланыштуу иликтөө баштадыОшто турак үйдөн өрт чыгып, 34 жаштагы келин 5 баласы менен каза болдуБүгүн, 22-октябрга, карата аба ырайы“Көчмөн модасы фестивалы. МУУН 2025” 30-31 октябрда өтөт
Дин иштери боюнча улуттук агенттик мыйзам талаптарын бузган 10 диний мекеменин ишин токтотту
03.09.2025 | 10:30
Дин иштери жана этностор аралык мамилелер боюнча улуттук агенттик 10 диний уюмдун жана диний окуу жайлардын ишин токтотту. Бул тууралуу аталган агенттиктин басма сөз кызматы кабарлады.
Маалыматка ылайык, аталган диний мекемелер диний чөйрөдөгү мыйзамдарды системалуу бузган, тактап айтканда “Дин тутуу эркиндиги жана диний бирикмелер жөнүндө” мыйзамдын 36-беренесинин 3-бөлүгүн жана 37-беренесинин 1-2-бөлүктөрүнүн талаптарын аткарбаган деп айыпталууда. Алар:
- “Мусульманская религиозная община” диний уюму (ДУ);
- “Тагай Нур” коомдук кайрымдуулук фонду (ККФ);
- “Эл аралык ислам фонду” кайрымдуулук фонду (КФ);
- “Зам-Зам” Ислам кайрымдуулук фонду;
- “Данктоо” ДУ Толук Евангелиялык Чиркөөсү;
- “Истина” ДУ ХЕПЦ;
- “Сокулук” ДУ ЕХЦ;
- “Евангелдик ишенимдеги христиандардын бириккен чиркөөсү “Искупление”” ДУ;
- “Кураан Нуру” Ислам институту диний окуу жайы (ДОЖ);
- “Имам-Азам” ДОЖ.
Дин иштери боюнча агенттик мыйзам бузууларды жоюу жөнүндөгү эскертүү 90 күндүн ичинде аткарылбаса, “Дин тутуу эркиндиги жана диний бирикмелер жөнүндө” мыйзамынын талаптарына ылайык, жогоруда аталган диний уюмдарды жана диний окуу жайларды жоюу маселеси караларын билдирди.
Рубрики: Жаңылыктар, Окуялар
