Улуттук коопсуздук мамлекеттик комитети (УКМК) Аламүдүн районунун Арашан айылында жайгашкан «Эко-резорт» эс алуу жайын мыйзамсыз курган Э.Ш.Ж.ны кармаганын билдирди.

Маалыматка ылайык, шектүү 6,1 гектар жайыт жерди өзүнүн билемдиги менен ээлеп алып, уруксатсыз курулуштарды жүргүзгөн. Анын негизинде аймакка 15 конок үйү, банкеттик залдары бар мончолор, ресторан, 2 кабаттуу административдик имарат, банкеттик зал, 3 кабаттуу бүтө элек имарат, кабиналар, беседкалар жана башка чарбалык объектилер курулган.

УКМК билдиргендей, объект архитектура жана экология органдарынан ээриче долбоорлоо жана уруксат берүүчү документтерсиз курулган.

Аталган факт боюнча шериктештер, анын ичинде кызмат адамдары аныкталууда жана тергөө иштери улантылып жатат.