.svg){kind=logo}
Венчурдук каржылоо. Стартаптар үчүн жаңы мүмкүнчүлүкпү же тобокелдикпи?Министрлер кабинетинин төрагасы Балыкчыдагы шаардык ооруканага барып, бир катар тапшырмаларды бердиКыргызстанда жеңил өнөр жайындагы өндүрүштүн көлөмү 2025-жылы 25 млрд сомго жеттиКытай АКШны Си Цзиньпин менен Трамптын келишимдерин бузду деп айыптадыАлкоголь өспүрүмдүн мээсине жана организмине кандай таасир этет — дарыгерлердин түшүндүрмөсүБишкекте эл аралык кинофестиваль жыйынтыкталды: жеңүүчүлөрдүн ысымдары
Дин иштери боюнча улуттук агенттик мыйзам талаптарын бузган 10 диний мекеменин ишин токтотту
03.09.2025 | 10:30
Дин иштери жана этностор аралык мамилелер боюнча улуттук агенттик 10 диний уюмдун жана диний окуу жайлардын ишин токтотту. Бул тууралуу аталган агенттиктин басма сөз кызматы кабарлады.
Маалыматка ылайык, аталган диний мекемелер диний чөйрөдөгү мыйзамдарды системалуу бузган, тактап айтканда “Дин тутуу эркиндиги жана диний бирикмелер жөнүндө” мыйзамдын 36-беренесинин 3-бөлүгүн жана 37-беренесинин 1-2-бөлүктөрүнүн талаптарын аткарбаган деп айыпталууда. Алар:
- “Мусульманская религиозная община” диний уюму (ДУ);
- “Тагай Нур” коомдук кайрымдуулук фонду (ККФ);
- “Эл аралык ислам фонду” кайрымдуулук фонду (КФ);
- “Зам-Зам” Ислам кайрымдуулук фонду;
- “Данктоо” ДУ Толук Евангелиялык Чиркөөсү;
- “Истина” ДУ ХЕПЦ;
- “Сокулук” ДУ ЕХЦ;
- “Евангелдик ишенимдеги христиандардын бириккен чиркөөсү “Искупление”” ДУ;
- “Кураан Нуру” Ислам институту диний окуу жайы (ДОЖ);
- “Имам-Азам” ДОЖ.
Дин иштери боюнча агенттик мыйзам бузууларды жоюу жөнүндөгү эскертүү 90 күндүн ичинде аткарылбаса, “Дин тутуу эркиндиги жана диний бирикмелер жөнүндө” мыйзамынын талаптарына ылайык, жогоруда аталган диний уюмдарды жана диний окуу жайларды жоюу маселеси караларын билдирди.
Рубрики: Жаңылыктар, Окуялар
