.svg){kind=logo}
Бишкектин бир районунда 20-ноябрда суу убактылуу өчүрүлөтКыргызстанда айдоочулук күбөлүктү алмаштыруу процесси жөнөкөйлөштүБишкекте милиционерге кол салган адам кармалдыЖыл башынан бери ИДПнын көлөмү 1 трлн 427,3 млрд сомду түздүАюу, түлкү, илбирс: Кыргызстандагы жапайы жаныбарлардын сүрөтү жарыяландыСадыр Жапаров Ташкентте бирдиктүү «Санариптик транзиттик коридор» платформасын түзүүнү сунуштады
Нарында интернеттен таанышкан кызга ыдык көрсөткөн киши кармалды
10.09.2025 | 15:45
Нарын шаарында жашы жете элек кызга сексуалдык мүнөздөгү аракеттерди жасоого шектелген жаран кармалды. Бул тууралуу Нарын облустук ички иштер башкармалыгынан билдиришти.
Маалыматка ылайык, 28-августта Нарын ШИИБге аталган факты катталган. Тергөөнүн жүрүшүндө шектүү катары 1995-жылы туулган Нарын шаарынын тургуну аныкталган. Ал жашы жете элек кыз менен интернет аркылуу таанышып, 28-август күнү сексуалдык мүнөздөгү аракеттерди жасаганы такталган.
8-сентябрда бул факт Кылмыш-жаза кодексинин 157-беренеси (Он алты жашка толо элек бала менен сексуалдык мүнөздөгү аракеттер) боюнча катталып, кылмыш иши козголгон.
Шектүү соттун чечими менен 4-ноябрга чейин камакка алынып, ТИЗО №24 мекемесине киргизилди.
