Бишкек мэриясынын Жерди пайдаланууну көзөмөлдөө башкармалыгы Анкара жана Валиханов көчөлөрүнүн кесилишиндеги «Салам Баку» кафесин демонтаждоону баштады. Бул тууралуу шаардык мэриянын басма сөз кызматы кабарлады.

Маалыматка ылайык, объект 525 чарчы метр аянттагы жер тилкесинде жайгашкан. Жерди пайдалануу мөөнөтү аяктагандыктан жана объект суу коргоо зонасында жайгашкандыгы үчүн комиссия ижараны узартуудан баш тарткан.

Мындан тышкары, кафенин жанындагы мурда сезондук аянтча катары колдонулуп келген 2295 чарчы метр жер тилкеси да демонтаждалмакчы.