Ички иштер министрлиги мурда Дөө Чынгыздын уюшкан кылмыштуу тобунун курамында болгон деп эсептелген жаранды кармады. Ал жанында белгисиз үлгүдөгү ок атуучу курал алып жүргөнү тууралуу маалымат алынгандан кийин ыкчам иш-чара жүргүзүлгөн.

ИИМдин маалыматына ылайык, шектүү 1989-жылы туулган Т.Б. Бишкек шаарында колго түшүрүлгөн. Өздөктү кароо маалында анын жанынан номери өчүрүлгөн «Макаров» үлгүсүндөгү тапанча жана жети ок табылган.

Бул факт боюнча Кылмыш-жаза кодексинин 267-беренеси («Курал-жарактарды жана ок-дарыларды мыйзамсыз жүгүртүү») боюнча кылмыш иши козголду.

Учурда шектүү камакка алынып, тергөө амалдары уланууда.