26-сентябрда жол тыгынында төрөт үйүнө жетпей калган кош бойлуу аялга кайгуул милициясынын инспекторлору жардам көрсөтүштү. Шашылыш кырдаалда милиция кызматкерлери төрөттү түздөн-түз патрулдук унаада кабыл алышкан. Ошол эле күнү дагы бир аял да окшош абалга туш болуп, ага да кайгуулчулар өз учурундагы жардамын көрсөтүшкөн.

ЖКККББнын башчысы Жеңишбек Жоробеков бул окуяларды кызматтык эрдик катары баалап, аялдардын өмүрүн сактап калган жана төрөт кабыл алууга катышкан инспекторлорду атайын сыйлыктар менен ыраазычылык билдирди.