Энергетика министринин биринчи орун басары Эмилбек Ысманов өлкөдө электр энергиясын пландуу өчүрүү болбогонун билдирди. Анын айтымында, кээ бир райондордо гана чыңалуу маселелери, авариялык жагдайлар же көмөк чордондордун ашыкча жүктөлүшү учурунда электр өчүрүлүшү мүмкүн.

Ысманов жарандарды электр энергиясын үнөмдүү колдонууга чакырып, түшүндүрүү иштерин жүргүзүп жатышканын белгиледи. Ал кышында суунун көлөмү аз болгон Токтогул суу сактагычынын жана электр чубалгыларындагы авариялык кырдаалдардын алдын алуу зарылдыгын эскертти. Кышында энергия керектөөсү жайкы мезгилге салыштырмалуу эки-үч эсе көбөйөт.