Кыргызстан мусулмандарынын дин башкармалыгы (КМДБ) “Нур Умра” ЖЧКсы менен түзүлгөн Умра зыяратын (кичи ажылык) уюштуруу жана өткөрүү боюнча келишим токтотулганын расмий билдирди.

Мындай чечим КР “Дин эркиндиги жана диний бирикмелер жөнүндө” мыйзамына жана президентке караштуу Дин иштери жана этностор аралык мамилелер боюнча улуттук агенттиктин буйругуна ылайык кабыл алынган. Ошондой эле чечим КМДБнын уставы жана Кыргызстандын мусулмандарынын курултайы тарабынан бекитилген нормаларга негизделген.

Муфтият кичи ажылык сапарды уюштуруу каалоосу бар туристтик компанияларды аккредитациялоо иштерин улантууда.